Բայդենի վարչակազմը պաշտպանել Է ՌԴ սառեցված ակտիվների բռնագրավման մասին օրինագիծը
ԱՄՆ նախագահ Ջո Բայդենի վարչակազմը պաշտպանում է օրենքը, որը թույլ կտա բռնագրավել Արեւմուտքում սառեցված մոտ 300 մլրդ դոլարի ռուսական ակտիվները: Այս մասին հայտնել Է Bloomberg գործակալությունը՝ վկայակոչելով Ազգային անվտանգության խորհրդի փաստաթուղթը: Տեղեկությունը փոխանցում է ՏԱՍՍ-ը։
Միջոցները նախատեսվում է օգտագործել Ուկրաինայի վերականգնման համար։ Փաստաթղթում, որը ԱՄՆ ազգային անվտանգության խորհուրդն ուղարկել է Սենատի արտաքին հարաբերությունների հանձնաժողով, ասվում է, որ վարչակազմը սկզբունքորեն ողջունում է օրինագիծը, որը թույլ կտա առգրավել Ռուսաստանի ֆինանսական միջոցները:
«Օրինագիծը կտրամադրի լիազորություններ, որոնք անհրաժեշտ են ԱՄՆ գործադիր իշխանությանը՝ հօգուտ Ուկրաինայի ռուսական սուվերեն ակտիվները բռնագրավելու համար»,- մեջբերում Է գործակալությունը այդ փաստաթղթից մի հատված:
