ԼՈՒՍԱՆԿԱՐ․ Ի վերջո ինչ արժե Նիկոլ Փաշինյանի կողմից քանդած ցնցուղը․ Արթուր Չախոյան

Արմավիրի դպրոցի մարզադահլիճի ցնցուղ-ծորակ խառնիչը, ըստ գնման պայմանագրի, արժեցել է մոտ 72 000 դրամ։ Այս մասին ֆեյսբուքյան իր էջում գրել է հասարակական ակտիվ գործունեություն իրականացնող Արթուր Չախոյանը և հրապարակել լուսանկար։

«Կապալառուն՝ «ՀԱԷԿ շինարարություն» ՓԲԸ-ն, պայմանագիրը կնքվել է 2022 թվականի ապրիլի 6-ին։ Պայմանագրի՝ «Աշխատանքի գինն ու վարձատրությունը» բաժնում նշված է, որ պայմանագրի գինը կազմում է 1 միլիարդ 350 միլիոն 750 հազար դրամ։

Կոռուպցիա ՉԿԱ»,-գրել է նա։

Հրապարակված փաստաղթղթից լուսանկարում տեսանելի է նաեւ ցնցուղի քանակը՝ 5 հատ: Մեկ հատի արժեքը 71920 դրամ է, 5 հատը ընդանուր կազմում է 359600 դրամ։ 

Բազմաթիվ օգտատերեր գրում են, որ Նիկոլ Փաշինյանի կողմից քանդված եւ նախարար Ժաննա Անդրեսայանին տված ցնցուղի գինը չի գերազանցում 5000 դրամը:

Հիշեցնենք, որ տարածված տեսանյութում երեւում է, որ Ժաննա Անդրեասյանը ցնցուղն այդպես էլ չի վերցնում Նիկոլ Փաշինյանի ձեռքից։ «Քաղաքաշինության կոմիտեի նախագահի առաջին տեղակալ Դավիթ Գրիգորյանն է ցնցուղը վերցրել: Լրագրողները Ժաննա Անդրեսյանինց արդեն քանի օր է փորձում են պարզել՝ ճշտել է ցնցուղի գինը թե ոչ:

«Խնդրում եմ՝ տեսանյութն ուշադիր նայեք, այդ հանձնարարությունն ինձ չի ուղղված»,- լրագրողների հետ զրույցում ասաց նա։