Ուկրաինան երրորդն է 2024-ի գլոբալ ռիսկերի տասնյակում. The Time
Ուկրաինան զբաղեցրել է երրորդ տեղը The Time ամսագրի` 2024 թվականի գլոբալ ռիսկերի տասնյակում: Առաջինը ԱՄՆ ընտրություններն են, երկրորդը՝ Մերձավոր Արեւելքը։
Ինչպես նշում է The Time-ը, այս տարի Ուկրաինան դե ֆակտո կմնա պառակտված, իսկ Ռուսաստանը կունենա նախաձեռնություն մարտի դաշտում և նյութական առավելություն։ Եթե Ուկրաինան շուտով չլուծի իր կադրային խնդիրները, չմեծացնի զենքի արտադրությունը և չմշակի իրատեսական ռազմական ռազմավարություն, նրա տարածքային կորուստները կարող են լինել մշտական և, հնարավոր է, նույնիսկ ավելի լայն:
The Time-ը կարծում է, որ «Կիևն այս տարի ավելի մեծ ռազմական ռիսկի կդիմի, այդ թվում՝ Ռուսաստանի ներսում ավելի շատ թիրախների հարվածներ, ինչը կհրահրի Ռուսաստանի աննախադեպ պատասխանը և կարող է ՆԱՏՕ-ին ներքաշել հակամարտության մեջ»։
