2024 թվականը լինելու է պատերազմի տարի. Իսրայելի բանակ

2024 թվականը Իսրայելի համար կլինի «ռազմական գործողությունների տարի». Այս մասին ճեպազրույցում հայտարարել է Իսրայելի բանակի պաշտոնական ներկայացուցիչ Դանիել Հագարին։

«2024 թվականը լինելու է պատերազմի տարի, և այժմ կան քաղված դասեր, որոնք մեզ թույլ կտան ավելի լավ կռվել բոլոր ճակատներում»,- ասել է նա։

Իրավիճակը Մերձավոր Արևելքում կտրուկ վատթարացավ 2023 թվականի հոկտեմբերի 7-ին Գազայի հատվածից Իսրայելի տարածք ՀԱՄԱՍ-ի զինյալների ներթափանցումից հետո, որն ուղեկցվեց սահմանամերձ բնակավայրերի բնակիչների սպանությամբ և ավելի քան 240 պատանդների, այդ թվում՝ երեխաների, տարեցների և կանանց գերեվարմամբ։ Արմատականներն այս հարձակումն անվանել են պատասխան Երուսաղեմի Ալ-Աքսա մզկիթի դեմ Իսրայելի իշխանությունների գործողություններին։ Իսրայելը հայտարարեց Գազայի հատվածի ամբողջական շրջափակման մասին և սկսեց պատասխան հարվածներ հասցնել Լիբանանի և Սիրիայի որոշ տարածքների ուղղությամբ, որից հետո հայտարարեց անկլավում ցամաքային գործողություն սկսելու մասին։ Բախումներ են տեղի ունենում նաև Հորդանանի Արևմտյան ափին: