Ուկրաինայում կանանց կսովորեցնեն ավտոբուսներ վարել. հայտնի է պատճառը
Ուկրաինայի Օդեսայի քաղաքապետ Գենադի Տրուխանովը հարցազրույցներից մեկում հայտնել է, որ մոբիլիզացիայի պատճառով քաղաքը չունի բավականաչափ ավտոբուսի վարորդներ, ուստի իշխանությունները նախատեսում են հավաքագրել և սովորեցնել կանանց ավտոբուս վարել:
«Վարորդներ ունենք, բայց ոչ այնքան, որքան անհրաժեշտ է: Մենք պայմանավորվել ենք մեր գործընկերների հետ, որ կանայք, ովքեր կցանկանան սովորել՝ դառնան նման տրանսպորտի վարորդ, քանի որ հիմա տղամարդիկ քիչ են (մոբիլիզացիայի պատճառով - խմբ.)»: »,– հեռուստաալիքը մեջբերում է Տրուխանովի խոսքերը։
Նրա խոսքով, գերմանացի գործընկերները քաղաքին են հանձնել տասը ավտոբուս, բանակցություններ են ընթանում նաև Ստամբուլի հետ։
