Շվեդիայում ջերմաստիճանի նոր ռեկորդ է սահմանվել. գրանցվել է վերջին 25 տարվա ամենացուրտ գիշերը

Շվեդիայում երեկ երեկոյան ջերմաստիճանի նոր ռեկորդ է սահմանվել։ Հյուսիսային Նորբոթեն շրջանում ջերմաստիճանը իջել է մինչև մինուս 43,6 աստիճան Ցելսիուս։ Այս մասին տեղեկանում ենք ՏԱՍՍ-ից:

Հաղորդվում է, որ սա հունվար ամսվա ամենացածր ջերմաստիճանն է Շվեդիայում վերջին 25 տարվա ընթացքում։

«Սա նաև այստեղ երբևէ գրանցված ամենացածր ջերմաստիճանն է: Սա ամենացածր ջերմաստիճանն է 1888 թվականից ի վեր»,-ասել է օդերևութաբան Վիկտոր Բերգմանը SVT հեռուստաընկերությանը տված հարցազրույցում:

Նշվոմ է, որ ցուրտ եղանակի պատճառով Թագավորության հյուսիսում գտնվող մի քանի կետերում չեղարկվել են գնացքների և ավտոբուսների չվերթները:

Ռեկորդային ցածր ջերմաստիճանի պատճառը բարձր ճնշումն է Շվեդիայի հյուսիս-արևելքում և Ֆինլանդիայի հյուսիսում: Օդերևութաբանները կանխատեսում են, որ այս շաբաթվա վերջին բարձր ճնշման տարածքը կտեղափոխվի հարավ: