Ղազախստանը «Թալիբանը» հանել է արգելված կազմակերպությունների ցուցակից
Ղազախստանի իշխանությունները որոշել են «Թալիբանը» հանել արգելված կազմակերպությունների ցանկից։ Այս մասին Kazinform գործակալության թղթակցին տված հարցազրույցում ասել է Ղազախստանի Հանրապետության արտաքին գործերի նախարարության պաշտոնական ներկայացուցիչ Այբեկ Սմադիարովը։
Պաշտոնական ներկայացուցչի խոսքով՝ 2021 թվականին թալիբների կողմից Աֆղանստանում լիակատար վերահսկողություն հաստատելուց հետո շարժումը փորձում է դիվանագիտական հարաբերություններ հաստատել տարբեր երկրների, այդ թվում՝ Ղազախստանի հետ և ակտիվորեն առևտրային հարաբերություններ է կառուցում իր ամենամոտ հարևանների հետ։ .
Հարցին, թե ինչո՞ւ է կայացվել այս որոշումը, նա պատասխանել է. «Ղազախստանը պարբերաբար ստուգում է Ղազախստանի Հանրապետությունում արգելված ահաբեկչական կազմակերպությունների ազգային ցուցակը՝ այն թարմացնելու նպատակով։ Այս գործընթացի շրջանակներում որոշում է ընդունվել ՄԱԿ-ի պրակտիկայի համաձայն թալիբներին դուրս թողնել դրանից։ Այսպիսով, ՄԱԿ-ի Անվտանգության խորհրդի պարտադիր բանաձեւերի համաձայն՝ «Թալիբան» շարժումը ներառված չէ ՄԱԿ-ի Անվտանգության խորհրդի կողմից ահաբեկչական ճանաչված կազմակերպությունների ցանկում»։
