«Դա չի կարող մեզ անհանգստություն չպատճառել»․ Լավրովը՝ Հայաստան-ՆԱՏՕ համագործակցության մասին

Այս տարի Հայաստանը ՆԱՏՕ–ի հետ մասնակցել է մի քանի տասնյակ միջոցառումների։ Այս մասին ՏԱՍՍ-ին տված հարցազրույցում հայտարարել է Ռուսաստանի արտգործնախարար Սերգեյ Լավրովը։

«Վերջին շրջանում Երևանը զարգացնում է համագործակցությունը ՆԱՏՕ-ի և նրա առանձին անդամ երկրների հետ։ Այս տարի Հայաստանը ՆԱՏՕ–ի հետ մասնակցել է մի քանի տասնյակ միջոցառումների։ Շարունակում է իր զինված ուժերի արդիականացումը ՆԱՏՕ-ի չափանիշներով, Հանրապետության զինվորականները վերապատրաստվում են Հյուսիսատլանտյան դաշինքի մի շարք պետություններում։ Դա չի կարող մեզ անհանգստություն չպատճառել»։ Այս մասին հայտարարել է ՌԴ ԱԳ նախարար Սերգեյ Լավրովը՝ ՏԱՍՍ–ին տված տարեվերջյան ամփոփիչ հարցազրույցում։

Նրա խոսքով՝ «դա չի կարող մեզ անհանգստություն չպատճառել»։

«Մենք բազմիցս հայ գործընկերների ուշադրությունը հրավիրել ենք այն փաստի վրա, որ ՆԱՏՕ–ի իրական նպատակն է տարածաշրջանում ամրապնդել իրենց դիրքերը, պայմաններ ստեղծել «բաժանիր և տիրիր» սխեմայով մանիպուլյացիաների համար։ Հուսով եմ՝ Երևանում իրենց հաշիվ են տալիս, որ դաշինքի հետ փոխգործակցության խորացումը հանգեցնում է ազգային պաշտպանության և անվտանգության ոլորտում ինքնիշխանության կորստի»,– ասել է նա։