Վերին Լարսում հայկական 1000 բեռնատար է սպասում
Դեպի Վերին Լարս տանող ճանապարհին հայկական 1000 բեռնատար է մնացել ճանապարհին։ Այս մասին Sputnik Արմենիային հայտնել է ՌԴ–ում ՀՀ դեսպանության մաքսային կցորդ Վահան Հակոբյանը։
«Վրաստանի տարածքում դեպի ՌԴ ուղղությամբ հայկական մոտ 200 բեռնատար կա, իսկ ՌԴ–ի տարածքում դեպի ՀՀ ուղղությամբ 800 բեռնատարներ են մնացել ճանապարհին»,– լրատվամիջոցին տեղեկացրել է Հակոբյանը:
Հիշեցնենք, ավելի վաղ հայտնել էինք, որ Վրաստանն այսօր արգելել է բոլոր տեսակի տրանսպորտային միջոցների երթևեկությունը դեպի Հայաստանի սահման տանող ավտոմոբիլային ճանապարհով:
