ԼՈՒՍԱՆԿԱՐՆԵՐ․ Արգելափակումից դուրս է բերվել 42 տրանսպորտային միջոց
Հանրապետության ավտոճանապարհներին ուժեղացված ծառայությունը շարունակվում է: Այս մասին հայտնում են ՆԳՆ ՓԾ-ից։
«Ժամը 17:30-ի դրությամբ փրկարարներն արգելափակումից դուրս են բերել 42 տրանսպորտային միջոց և 121 քաղաքացու ցուցաբերել են համապատասխան օգնություն»,-ասվում է հայտարարության մեջ:
Հաղորդվում է, որ փրկարարական աշխատանքներում ներգրավված են ամենագնացներ և թրթուրավոր տեխնիկա:
Թարմացված է․
«Ժամը 18:15-ի դրությամբ փրկարարներն արգելափակումից դուրս են բերել 86 տրանսպորտային միջոց, 163 քաղաքացու ցուցաբերել համապատասխան օգնություն և 30 քաղաքացու տեղափոխել անվտանգ տարածք»:
