Ձյուն, բուք, տեղ-տեղ մերկասառույց․ իրավիճակը՝ ՀՀ ճանապարհներին

Դեկտեմբերի 24-ին՝ ժամը 10։10-ի դրությամբ, Մեղրիի տարածաշրջանում ձյուն է տեղում։ Այս մասին հայտնումմ են Ճանապարհային դեպարտամենտից։ 

«Քուչակ-Միրաք, Ալագյազ-Արթիկ ճանապարհներին, Աշոցքի, Գավառի, Սևանի տարածաշրջաններում բուք է։

Բքի պատճառով Վարդենյաց և Սարավանի լեռնանցքները կցորդով տրանսպորտային միջոցների համար փակ են, իսկ մյուս տեսակի տրանսպորտային միջոցների համար՝ դժվարանցանելի։

Թալինի, Աշտարակի, Աբովյանի, Եղեգնաձորի, Արարատի տարածաշրջանների ավտոճանապարհներին տեղ-տեղ մերկասառույց է»,-ասվում է հաղորդագրության մեջ։

Նշվում է, որ միջպետական և հանրապետական նշանակության մյուս ավտոճանապարհները բաց են: Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:

Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով: