ՔԿ-ն՝ ձերբակալված ձկնորսի մասին
Օրերս ՆԳՆ ջրային պարեկների և ձկնորսների միջև տեղի ունեցած միջադեպից հետո ձերբակալված 26 ձկնորսներից 25-ը ազատ են արձակվել արգելանքից։
Մեկ անձի ներկայացվել է մեղադրանք ՀՀ քրեական օրենսգրքի 452-րդ հոդվածի 4-րդ մասի 2-րդ կետով նախատեսված հանցավոր արարքը կատարելու համար։ Այս մասին Auroranews-ին հայտնել է ՀՀ Քննչական կոմիտեի մամուլի խոսնակ Գոռ Աբրահամյանը:
Դատարան միջնորդություն է ներկայացվել ձկնորսի նկատմամբ կալանքը որպես խափանման միջոց ընտրելու վերաբերյալ։
Հիշեցնենք, որ Գեղարքունիքի մարզի Նորատուս գյուղում օրերս գերլարված իրավիճակ էր: Մարզի մի քանի գյուղերի ձկնորսները բողոքի ակցիա էին իրականացրել և երկկողմանի փակել Երևան-Սևան ավտոճանապարհը: Ձկնորսների բողոքը պայմանավորված է Սևանում ջրային պարեկների՝ ձկնագողության արգելքով:
