Հենրիխ Մխիթարյանի գրառումը՝ ՀՖՖ նախագահի ընտրությանը Օզբիլիսի թեկնածության մասին
«Ինտերի» կիսապաշտպան Հենրիխ Մխիթարյանը Հայաստանի հավաքականում իր նախկին թիմակից Արաս Օզբիլիսին հաջողություն է մաղթել Հայաստանի ֆուտբոլի ֆեդերացիայի նախագահի ընտրություններում։
«Ուրախ եմ տեսնել, որ Արաս Օզբիլիսի նման բարձր մակարդակի մարզիկն ու անձնավորությունը ՀՖՖ նախագահի թեկնածու է։ Վստահ եմ, որ նրա գիտելիքները խաղադաշտում և դրա սահմաններից դուրս օգուտ կտան իմ երկրում ֆուտբոլի աճին։ Ես քո կողքին եմ, իմ ընկեր, մաղթում եմ հաջողություն»,- գրել է Հենրիխ Մխիթարյանը։
Հիշեցնենք, որ ՀՖՖ նախագահի ընտրությունը կայանում է այսօր` դեկտեմբերի 23-ին։ Առաջադրվել է երկու թեկնածու՝ ՀՖՖ գործող նախագահ Արմեն Մելիքբեկյանը և Հայաստանի հավաքականի նախկին ֆուտբոլիստ Արաս Օզբիլիսը։
