Կայացել է 2023 թվականի լավագույն 10 մարզիկների ընտրությունը, որին մասնակցել են մարզական լրագրողներն ու տարբեր մարզաձևերում հավաքականների գլխավոր մարզիչները։

Լավագույն մարզիկները ընտրվում են առանց համարակալման, այսինքն` առաջին կամ երկրորդ տեղ զբաղեցնող չկա, սակայն բոլորից շատ միավորներ ստացել է ըմբշամարտիկ Արթուր Ալեքսանյանը։

2023 թվականի Հայաստանի լավագույն 10 մարզիկների ցանկում ըմբիշները շատ են՝ 5 մարզիկ, 2 ծանրամարտիկ է ընդգրկված, բռնցքամարտն ունի 2 ներկայացուցիչ և սպորտային մարմնամարզությունը` 1։

Ստորև ներկայացնում ենք լավագույն մարզիկների տասնյակը

Արթուր Ալեքսանյան –հունահռոմեական ոճի ըմբշամարտի Եվրոպայի չեմպիոն, աշխարհի առաջնության արծաթե մեդալակիր,

Մալխաս Ամոյան –հունահռոմեական ոճի ըմբշամարտի Եվրոպայի չեմպիոն, աշխարհի առաջնության բրոնզե մեդալակիր,

Արման Անդրեասյան –ազատ ոճի ըմբշամարտի աշխարհի առաջնության բրոնզե մեդալակիր,

Հովհաննես Բաչկով –բռնցքամարտի աշխարհի առաջնության բրոնզե մեդալակիր,

Արթուր Դավթյան –սպորտային մարմնամարզության Եվրոպայի առաջնության ոսկե և բրոնզե մեդալակիր,

Վազգեն Թևանյան –ազատ ոճի ըմբշամարտի Եվրոպայի չեմպիոն, աշխարհի առաջնության բրոնզե մեդալակիր,

Վարազդատ Լալայան – ծանրամարտի Եվրոպայի և աշխարհի առաջնությունների արծաթե մեդալակիր,

Արսեն Հարությունյան –ազատ ոճի ըմբշամարտի Եվրոպայի չեմպիոն, աշխարհի առաջնության բրոնզե մեդալակիր,

Նարեկ Մանասյան –բռնցքամարտի աշխարհի առաջնության բրոնզե մեդալակիր,

Սահակյան Գոռ –ծանրամարտի մեծահասակների Եվրոպայի առաջնության չեմպիոն, աշխարհի առաջնության բրոնզե մեդալակիր