«Անկեղծ ասած, մենք հոգնել ենք»․ Զախարովա
ՌԴ ԱԳՆ պաշտոնական ներկայացուցիչ Մարիա Զախարովան անհիմն է անվանել Մոլդովայի նախագահ Մայա Սանդուի մեղադրանքները Ռուսաստանի հասցեին, թե իբր Մոսկվան գարնանը պատրաստվում է ապակայունացնել իրավիճակը երկրում։
«Անկեղծ ասած, մենք հոգնել ենք Ռուսաստանի հասցեին Մոլդովայի ղեկավարության այս անհիմն մեղադրանքներից: Մենք պարբերաբար լսում ենք այդ ամենը»,- ճեպազրույցի ժամանակ ասել է Զախարովան:
Հիշեցնենք՝ Մոլդովայի նախագահը ավելի վաղ հայտարարել էր, որ իբր Ռուսաստանը գարնանը կփորձի ապակայունացնել իրավիճակը երկրում։
