Երկրաշարժ` Ադրբեջանում
Ադրբեջանում երկրաշարժ է տեղի ունեցել։ Տեղական լրատվամիջոցների հաղորդմամբ՝ 3,4 մագնիտուդով երկրաշարժը գրանցվել է Կասպից ծովում։ Ադրբեջանի Գիտությունների ազգային ակադեմիայի սեյսմոլոգիական ծառայության հանրապետական կենտրոնից հայտնում են, որ ստորգետնյա ցնցումները գրանցվել են տեղի ժամանակով 13:46-ին՝ 47 կմ խորության վրա։
Հիշեցնենք, որ դեկտեմբերի 7-ին Ադրբեջանում 5,6 մագնիտուդով երկրաշարժ էր տեղի ունեցել բավական ուժեղ հետցնցումներով, որոնք զգացվել էին նաև մայրաքաղաք Բաքվում՝ խուճապ առաջացնելով բնակիչների շրջանում։
