ՏԵՍԱՆՅՈՒԹ․ Ադրբեջանցի «ռազմական փորձագետը»՝ Կոմիտասի պողոտայում․ վերջինս առանց անձնագրի՞ է Հայաստան մուտք գործել
Ադրբեջանում «ռազմական փորձագետ» ներկայացող Թելման Գասիմովը տեսանյութ է տարածել, իբր գաղտնի եղել է Երևանում և տեսանկարահանումներ իրականացրել՝ նշելով, թե այցելել է այն վայրեր, որտեղ ծնվել է ու մեծացել։
Վերջինս հայ հանրությանը հայտնի է օկուպացված Արցախի բլոկադայի ժամանակ Շուշիի տակ վարժ հայերեն խոսելով։ Նա հայտնվել է Երևանի Կոմիտասի պողոտայում, որտեղ, ինչպես ինքն է ասում, ծնվել ու ապրել է մինչև 17 տարեկան։
Ադրբեջանական «Մինվալ» լրատվականում հրապարակված հոդվածում նա հայտարարել է, թե իբր «Երևան է եկել միայնակ» ու չի պատրաստվում բացահայտել, թե ինչպես է հայտնվել մեր երկրում և ինչ նպատակով։
Լրատվամիջոցի փոխանցմամբ՝ նա Հայաստան է մտել ապօրինի ճանապարհով՝ առանց անձնագրի։
Հասկանալու համար, թե ինչպես է վերջինս առանց անձնագրի մուտք գործել ՀՀ, Auroranews-ը փորձեց կապ հաստատել և մանրամասներ ճշտել ԱԱԾ-ից և Դատախազությունից։
