ՏԵՍԱՆՅՈՒԹ․ ԱԱԾ-ն՝ Կոմիտասի պողոտայից ադրբեջանցու տարածած տեսանյութի մասին

Ադրբեջանի փորձագիտական շրջանակներում որպես ռազմական փորձագետ և հայագետ ներկայացող, հայտնի և «լուրջ մասնագետ» Թելման Գասիմովի՝ ս.թ. դեկտեմբերի 5-ին տարածած տեսագրության վերաբերյալ ՀՀ ազգային անվտանգության ծառայությունը հայտնում է, որ Թելման Գասիմովը նշված տեսագրությունը ստացել է դեռևս 2017թ. նոյեմբերին երկքաղաքացի «Ա. Ք.»-ից, ով տեսագրել է շենքը, որտեղ «ծնվել և մեծացել է» Թ.Գասիմովը և ուղարկել նրան:

Սակայն, Թ.Գասիմովը 6 տարի անց այդ տեսանյութի մոնտաժման եղանակով՝ տեսագրությանն ավելացնելով իր ձայնը, էժանագին քարոզչությամբ փորձում է հայ հասարակության մեջ տարածել խուճապային տրամադրություններ և դրանով իր «կշիռը» բարձրացնել ադրբեջանական լսարանում: Այս մասին հաղորդագրություն են տարածել ԱԱԾ-ից։ Այս մասին հաղորդագրություն են տարածել ԱԱԾ-ից։

«Կոչ ենք անում գասիմովներին՝ դուրս գալ հիվանդ երևակայություններից»,-ասված է հաղորդագրության մեջ

Ներկայացվում է 2017թ. նամակագրությունից մեկ հատված:

Հիշեցնենք՝ Ադրբեջանում «ռազմական փորձագետ» ներկայացող Թելման Գասիմովը երեկ տեսանյութ էր տարածել, իբր գաղտնի եղել է Երևանում և տեսանկարահանումներ իրականացրել՝ նշելով, թե այցելել է այն վայրեր, որտեղ ծնվել է ու մեծացել։

Տեսանյութում օգտագործված լուսանկարները՝ Infocom- ի։