Ռուս-ամերիկյան հարաբերություններում գլխավոր խնդիրը՝ երկխոսության բացակայությունն է. հատված Քիսինջերի վերջին հարցազրույցից

ԱՄՆ նախկին պետքարտուղար Հենրի Քիսինջերը Politico-ին տված իր վերջին հարցազրույցներից մեկում հայտարարել է, որ ռուս-ամերիկյան հարաբերություններում գլխավոր խնդիրը երկրների միջև երկխոսության բացակայությունն է, ինչի պատճառով, ԱՄՆ-ում չեն հասկանում ռուսական մտածողությունը:

Պարբերականը հոդվածի սկզբում գրում է, որ Քիսինջերից հարցազրույց է վերցրել հոկտեմբերի 18 - ին և այն վերջիններից է, հնարավոր է ՝ նաև վերջինը։ Քիսինջերի մահվան մասին հայտնի է դարձել նոյեմբերի 29-ին: 

Նախկին պետքարտուղարը համբավ է ձեռք բերել որպես ԱՄՆ-ի ամենաազդեցիկ քաղաքական դեմքերից մեկը՝ զգալի հետք թողնելով դիվանագիտության պատմության մեջ:

«Հենց հիմա Ռուսաստանի հետ հարաբերություններում ամենամեծ դժվարությունն այն է, որ մենք չենք լսել, թե ինչ մտածելակերպ ունեն նրանք հիմա, քանի որ Ռուսաստանի հետ երկխոսություն ընդհանրապես չկա», - հայտարարել է Քիսինջերը հարցազրույցում: