Գազայի հատվածում ռազմական գործողության ավարտից հետո բուֆերային գոտի կստեղծվի. Times of Israel

Իսրայելի իշխանությունները հաստատել են տեղեկությունը, որ Գազայի հատվածում ռազմական գործողության ավարտից հետո, անվտանգության նկատառումներից ելնելով մտադիր են բուֆերային գոտի ստեղծել, հաղորդում է The Times of Israel-ը:

«Անվտանգության ապահովման համար պաշտպանական գերատեսչությունը քննարկում է Գազայի կողմից սահմանին բուֆերային գոտու ձևավորում, որպեսզի ՀԱՄԱՍ խմբավորումը չկարողանա ուժերը կենտրոնացնել սահմանի մոտ և կրկին անսպասելի գործողություններ ձեռնարկել Իսրայելի համար», - պարբերականին հայտարարել է Իսրայելի իշխանությունների անանուն ներկայացուցիչը:

«Սա անվտանգության միջոց է, քաղաքական քայլ չէ։ Մենք մտադիր չենք մնալ սահմանի այն կողմում ՝ Գազայում»,-ասված է հայտարարությունում: