ՏԵՍԱՆՅՈՒԹ․ Ամեն օր ասում եմ՝ չզանգեմ Քաղքապետարան, տեսնեմ՝ երբ կանեն․ ՔՊ-ական պատգամավորը՝ Ջրվեժի ճանապարհի մասին

Ջրվեժի ճանապարհը նոր էին ասֆալտապատել, բայց արդեն 10 օր է լուկ էին փորել ու փոսը դեռ կա։ Այս մասին «Ոստիկանության դերը ճանապարհային երթևեկության անվտանգության ապահովման գործում» թեմայով հանրային քննարկման ընթացքում ասաց ԱԺ քաղաքացիական պայմանագիր խմբակցության պատգամավոր Սիսակ Գաբրիելյանը։ 

«Ես ամեն օր աշխատանքի գալուց տեսնում եմ՝ Ջրվեժի ճանապարհը նոր էին ասֆալտապատել, բայց արդեն 10 օր է լուկ էին փորել ու փոսը կա։ Ես ամեն օր ասում եմ՝ չզանգեմ Քաղքապետարան տեսնեմ՝ երբ կանեն։ Ափսոս էր, էդ ամբողջ ճանապարհը Մասիվից մինչև Ջրվեժ կառուցել էին, հիմա եկան մի հատ լուկը փորել են ու ոչ մի ճանապարհային նշան չկա։ Ու հիմա ես՝ որպես քաղաքացի, կարդում եմ լուրերով, որ ամրագոտի չկապեմ Ոստիկանությունն ինձ տուգանելու է, մեքենայի ապակիների թաղանթը չհանեմ՝ տուգանելու է, բայց գալիս եմ տեսնում եմ՝ այդ ճանապարհը։ Քաղաքացու տեսանկյունից՝ բոլորս պետության մարդ ենք, ասում են՝ պետության մարդն այն ինչ պիտի անի՝ չի անում,բայց ես անում եմ։ Սա օբյեկտիվ ա»,- մանրամասնեց Գաբրիելյանը։

Նրա խոսքով՝ Ոստիկանությունը ճանապարհատրանսպորտային պատահարների վրա ազդեցությունը մեղմացնելու գրեթե 0-ական ազդեցություն ունի։

«Մենք անընդհատ Ոստիկանությանն ենք մեղադրում, բայց Ոստիկանությունը  ճանապարհատրանսպորտային պատահարների վրա ազդեցությունը մեղմացնելու գրեթե 0-ական ազդեցություն ու գործառույթ ունի»,- ասաց նա։

Գաբրիելյանն ասում՝ մի շարք հարցերում խնդիրը համայնքինն է։

«Այսիքն ճանապարհները գծանշված չեն՝ Ոստիկանության խնդիրը չի, լուսացույցները չեն աշխատում՝ Ոստիկանության խնդիրը չի, Ճանապարհները ճիշտ կահավորված չեն՝ Ոստիկանության խնդիրը չի, ձնամաքրման աշխատանքներն արված չեն՝ Ոստիկանության խնդիրը չի, քանի որ դա համայնքի խնդիրն է»,- ընդգծեց նա։ 

Հիշեցնենք, որ քննարկման բանախոսներն են՝ ԱԺ պատգամավոր Սիսակ Գաբրիելյանը, ԱԺ պատգամավոր Արսեն Թորոսյանը, Պարեկային ծառայության պետ, գնդապետ Արթուր Խուդինյանը, քաղաքացիական ակտիվիստ Արտակ Գաբոյանը, ԻՔՄ ծրագրերի համակարգող Դանիել Իոաննիսյանը: