Երկրաշարժ՝ Թուրքիայի արևելքում
Թուրքիայի Մալաթիա նահանգում ՝ երկրի արևելքում, 4,8 մագնիտուդ ուժգնությամբ երկրաշարժ է տեղի ունեցել: Այս մասին հայտնել Է տարերային աղետների հետևանքների վերացման վարչությունը:
X սոցցանցում գերատեսչության հաղորդագրության համաձայն՝ ստորգետնյա ցնցումները գրանցվել են տեղական ժամանակով 03:18-ին (Երևանի ժամանակով 04․18) Աքչադաղի շրջանում:
Երկրաշարժի օջախը գտնվել է 7 կմ խորության վրա:
Հնարավոր փլուզումների և տուժածների մասին դեռևս տեղեկություններ չկան։
