Հայ ուսուցչուհին Բրյանսկի դպրոցի հրաձգության ժամանակ իր մարմնով փրկել է երեխաներին

Բրյանսկում 14-ամյա աշակերտուհի Ալինան կրակ էր բացել իր դասարանցիների ուղղությամբ կենսաբանության ժամին, որը վարում էր 26-ամյա Օֆելյա Մկրտչյանը։ Осторожно, новости տելեգրամյան ալիքը հայտնում է, որ ուսուցչուհին իր մարմնով պաշտպանել է մի քանի երեխայի՝ ստանալով թեթև վնասվածքներ։

Բրյանսկի գիմնազիայի ուսանողները նկարագրում են ուսուցչի գործողությունները, որը դասարանում էր կրակոցների ժամանակ:

Միանգամից մի քանի դպրոցականներ տելեգրամյան ալիքին պատմել են, որ երբ 14-ամյա Ալինան կրակ է բացել, կենսաբանության դաս է եղել, որը վարել է 26-ամյա Օֆելյա Մկրտչյանը: Երեխաների խոսքով՝ նա իրենով փակել է երեխաներին, ինչի պատճառով վնասվածքներ է ստացել, առանց նրա գործողությունների ավելի շատ զոհեր կարող էին լինել: Աշակերտներն ասում են նաև, որ դրանից հետո նրան անհրաժեշտ է եղել բժիշկների օգնություն, ընդ որում՝ մեծահասակների վնասվածքների մասին պաշտոնապես չի հաղորդվել:

Տելեգրամյան ալիքի հետ զրույցում դպրոցականները նշել են նաև մեկ այլ ուսուցչի՝ ֆիզկուլտուրայի ուսուցիչ Մաքսիմ Կորաբեցի գործողությունները, ով հրաձգությունից հետո փրկել է երեխաներին և նրանց ձեռքերի վրա կրել: