Հայտնի է Ուկրաինայում եղանակային վատ պայմանների պատճառով զոհերի թիվը

Ուկրաինայում եղանակային վատ պայմանների պատճառով զոհերի թիվը հասել է 12-ի, հայտնել է երկրի ՆԳ նախարար Իգոր Կլիմենկոն։

«Ներկայումս նահանգի տարածքում չկան եղանակային բարդ պայմաններ։ 11 շրջանների 521 բնակավայրեր մնացել են առանց էլեկտրականության։ Վատ եղանակի պատճառով, ցավոք, մահացել է 12 մարդ, տուժել է 23 մարդ, այդ թվում՝ երկու երեխա»,- գրել է Կլիմենկոն իր Telegram-ում։

Նախօրեին նա հայտնել էր, որ եղանակային վատ պայմանների պատճառով երկրում 10 մարդ է մահացել։

Կիրակի օրվանից եղանակը վատացել է Ուկրաինայի որոշ շրջաններում՝ ձյան տեղումներով և ուժեղ քամիներով։ Ամենադժվար իրավիճակը, ըստ նախարարի, ստեղծվել է Օդեսայի մարզում։