ՀԱՄԱՍ-ը հայտնել է, թե ինչի է պատրաստ

ՀԱՄԱՍ-ը պատրաստ է ևս չորս օրով երկարաձգել զինադադարը՝ նույն պայմաններով։ Այս մասին հայտնում է BBC-ին՝ հղում կատաչելով AFP-ի աղբյուրին։

AFP-ն հայտնում է ՀԱՄԱՍ-ին մոտ կանգնած անանուն աղբյուրի խոսքերն այն մասին, որ շարժումը «համաձայն է չորս օրով երկարաձգել զինադադարը» նույն պայմաններով։

Հիշեցնենք՝ պայմանները ներառում էին օրական առնվազն 10 իսրայելցի պատանդների ազատ արձակում՝ իսրայելական բանտերից պաղեստինցի բանտարկյալների ազատման դիմաց, մարդասիրական մուտքը Գազայի հատված և իսրայելական թռիչքների (ներառյալ անօդաչու թռչող սարքերի) կասեցումը Գազայի հատվածի վրայով: Նման պարամետրերով պայմանագիրը գործում է արդեն վեցերորդ օրն է, այն արդեն մեկ անգամ երկարացվել է երկու օրով։

Ֆորմալ կերպով այն լրանում է այսօր, սակայն Կատարում ինտենսիվ բանակցություններ են ընթանում Իսրայելի, ԱՄՆ-ի և Եգիպտոսի հետախուզական ծառայությունների ղեկավարների մասնակցությամբ՝ զինադադարը ևս մի քանի օրով երկարաձգելու համար։