Հյուսիսային Կորեան հայտարարել է, որ իր արբանյակը լուսանկարել է Սպիտակ տունը և Պենտագոնը

Հյուսիսային Կորեան պնդում է, որ իր հետախուզական արբանյակը նկարել է Սպիտակ տան, Պենտագոնի և ԱՄՆ ավիակիրների նկարները Նորֆոլկի ռազմածովային բազայում, հայտնում է Reuters-ը։

«Հյուսիսային Կորեայի առաջնորդ Կիմ Չեն Ընը ստացել է Սպիտակ տան, Պենտագոնի և ԱՄՆ ռազմածովային ուժերի ավիակիրների լուսանկարները Նորֆոլկի ռազմածովային բազայում՝ արված լրտեսական արբանյակի միջոցով»,- հայտնում է գործակալությունը՝ հղում անելով ԿԺԴՀ Կենտրոնական հեռագրային գործակալությանը (KCNA):

Ավելի ուշ հաղորդվել է, որ Հյուսիսային Կորեայի արբանյակը լուսանկարել է ընդհանուր առմամբ հինգ ավիակիր՝ չորս ամերիկյան և մեկ բրիտանական նավեր: Բացի այդ, Հյուսիսային Կորեան հայտնել է, որ ստացել է Խաղաղ օվկիանոսի Գուամ կղզում գտնվող Անդերսենի ռազմաօդային բազայի, Վիրջինիայի օդանավակայանի և Նյուպորտ Նյուզ նավաշինարանի լուսանկարները: