«Եվրոպայում ահաբեկչության սպառնալիքն իրական է». Ստոլտենբերգ

Եվրոպայում ահաբեկչության սպառնալիքն իրական է, Tg2 հեռուստաալիքին ասել է ՆԱՏՕ-ի գլխավոր քարտուղար Յենս Ստոլտենբերգը:

«Եվրոպայում ահաբեկչության սպառնալիքն իրական է։ Մենք աշխատում ենք Մերձավոր Արևելքի և Հյուսիսային Աֆրիկայի մեր գործընկերների, Հորդանանի, Թունիսի հետ՝ օգնելով նրանց ավելի լավ վերահսկել իրենց սահմանները և փոխանակել տեղեկատվություն», - մեջբերում է նրա խոսքերը Adnkronos գործակալությունը։ Ստոլտենբերգի խոսքով՝ ՆԱՏՕ-ի երկրների վրա հարձակման անմիջական սպառնալիք չկա։

Ավելի վաղ՝ հոկտեմբերի 18-ին, քաղաքագետ, քաղաքական գիտությունների թեկնածու Ստանիսլավ Բիշոկը կարծիք էր հայտնել, որ Բրյուսելում խաղաղ բնակչության վրա հարձակումից հետո դեռ վաղ է խոսել Եվրամիության (ԵՄ) երկրներում ահաբեկչության նոր ալիքի մասին։ Նա պարզաբանել է, որ արաբական ծագում ունեցող մարդիկ կամ Եվրոպա տեղափոխված մահմեդականները ամուր հավատարմություն են պահպանում Մերձավոր Արևելքի տարածաշրջանի նկատմամբ, բայց դա արտահայտվում է խաղաղ մեթոդներով, ինչպիսիք են ցույցերը։