Փաշինյանը՝ 5-րդ շարասյան մասին

ՀՀ զինված ուժերում այլևս չկա 5–րդ շարասյուն։ Այս մասին ուղիղ եթերում պատասխանելով քաղաքացիների հարցին՝ ասաց վարչապետ Նիկոլ Փաշինյանը։

Քաղաքացիներից մեկը հարց ուղղեց՝ «44–օրյա պատերազմը պարտվել ենք, քանի որ բանակում գործել է 5–րդ շարասյուն, արդյոք ՀՀ իշխանություններին հաջողվե՞լ է ազատվել նրանից»։

Ի պատասխան Փաշինյանը նշեց․ «Ես կարող եմ ասել, որ ՀՀ զինված ուժերի շարքերում այսօր այլևս 5-րդ շարասյուն չկա»։

Դիտարկմանը, որ չի բացառվում` 5–րդ շարասյունը գործում է նաև ՀՀ կառավարությունում, Փաշինյանն ասաց. «ՀՀ–ում չկա խորքային պետություն։ Մեծ մասամբ մեր պետական կառավարման համակարգն առաջընթաց ունի` սեփական պետության ընկալումը բարձրագույն արժեք համարելու տեսանկյունից և սեփական պետության շահերը այլ պետությունների քաղաքականությունների նկատմամբ չնսեմացնելու առումով»։