Փաշինյանը՝ ՌԴ-ից գնված սպառազինությունը չստանալու մասին

Այսօր քաղաքացիների տեսահարցերին պատասխանելու ընթացքում՝ վարչապետ Նիկոլ Փաշինյանը՝ անդրադառնալով այն հարցին, որ Հայաստանը վճարել է միլիոնավոր դոլարներ Ռուսաստանին սպառազինության համար, սակայն դրանք չի ստացել, նաեւ գումարը հետ չի ստացել՝ նշեց՝ «Այո, նման խնդիր կա»:

Փաշինյանը նշեց, որ տեղի են ունենում քննարկումներ՝ այդ խնդիրների լուծման մեխանիզմների վերաբերյալ։

«Օրինակ, տարբերակներից մեկը կարող է լինել վճարված գումարների չափով ՌԴ-ին Հայաստանի ունեցած պարտքից նվազեցումը: Սա միակ տարբեռրակը չէ: Բայց այստեղ էլ ՌԴ-ն ինքը սպառազինության կարիք ունի եւ մենք այստեղ էլ տրամադրված ենք աշխատանքային եւ այդ քննարկումները հույս ունեմ կբերի կոնկրետ արդյունքների»,- ասաց նա: 

Փաշինյանի խոսքով՝ հաշվի առնելով Հայաստանի և Ռուսաստանի միջև առկա բարեկամական հարաբերություններն ու առկա իրողությունները, ԲՏԱ նախարարությունը ռուսական կողմին հրավիրել է կոնսուլտացիաների, որպեսզի այս իրադրությունը քննարկվեն և հասկանալի լինեն ելքերը կամ հետևությունները։ 

Վարչապետը հույս ունի, որ այդ խորհրդակցությունները հնարավորինս արագ տեղի կունենան, որ հնարավոր լինի հարցերը կարգավորել աշխատանքային, նորմալ, բարեկամական մթնոլորտում կարգավորել։