Հյուսիսային Կորեան կվերսկսի բոլոր ռազմական միջոցառումները, որոնք դադարեցրել էր Հարավային Կորեայի հետ համաձայնագրով
ԿԺԴՀ պաշտպանության նախարարությունը հրաժարվել է վավերացնել Հարավային Կորեայի հետ ռազմական լարվածությունը նվազեցնելու մասին համաձայնագիրը։ Գերատեսչությունը մտադիր է զենք ու զորք տեղակայել սահմանամերձ շրջաններում։
«Մենք կհրաժարվենք ձեռնարկված միջոցներից՝ նվազեցնելու ռազմական լարվածությունը ցամաքում, ծովում և օդում։ Մենք սահմանամերձ շրջաններում հզոր զորքեր և ժամանակակից սպառազինություն կտեղակայենք»,- ասված է ԿԺԴՀ պաշտպանության նախարարության հայտարարության մեջ։
Հարավային Կորեայի իշխանությունները մեղադրել են ԿԺԴՀ-ին ռազմական լարվածությունը նվազեցնելու համար համաձայնագրի պայմանները խախտելու մեջ։ Մասնավորապես, նշվել է, որ միջուկային ուժեր ստեղծելու քաղաքականությունը ամրագրված է ԿԺԴՀ օրենսդրությամբ։
