Զելենսկու դեմ մահափորձի մի քանի դեպք է կանխվել

Ուկրաինայի հետախուզական ծառայությունները կանխել են նախագահ Վլադիմիր Զելենսկու սպանության առնվազն հինգ կամ վեց դավադրություն։ Այս մասին Զելենսկին ասել է The Sun-ին տված հարցազրույցում:

Ըստ թերթի՝ ռուսական հատուկ ջոկատայինները Կիև են մտել Զելենսկուն սպանելու նպատակով զինված հարձակման հենց առաջին օրերին։ Նրա անվտանգության աշխատակիցները ցանկապատել են աշխատասենյակը ժամանակավոր բարիկադներով, իսկ նրա օգնականներին տրվել են հրացաններ և զրահաբաճկոններ:

Զելենսկին ասել է, որ մոտ երկու տարի լայնածավալ պատերազմից հետո Ռուսաստանը դեռ «իրոք ցանկանում է» տապալել իրեն: Այս նպատակն իրականացնելու նրանց վերջին առաքելությունը՝ Մայդան 3-ը, նախատեսված է տարեվերջին։

Հիշեցնենք, որ հետախուզության գլխավոր վարչության ղեկավար Կիրիլ Բուդանովը հայտարարել էր, որ ռուսները մի քանի անգամ «որոշ գործողություններ» են նախապատրաստել նախագահ Զելենսկու դեմ: