Իսրայելը հայտնել է ՀԱՄԱՍ-ի դեմ ցամաքային գործողության ընթացքում սպանված զինծառայողների թիվը

Գազայի հատվածում պաղեստինյան ՀԱՄԱՍ շարժման դեմ ցամաքային գործողության մեկնարկից ի վեր սպանված իսրայելցի զինվորների թիվը հասել է 68-ի, հայտնում է Times of Israel-ը՝ հղում անելով Իսրայելի պաշտպանության ուժերին (IDF):

Ավելի վաղ հրատարակությունը հայտնել էր, որ իսրայելցի զինվորականների շրջանում զոհերի թիվը հասել է 66-ի։

«Իսրայելի պաշտպանական ուժերը հայտարարել են Գազայի հատվածի հյուսիսում մարտերի ընթացքում զոհված ևս երկու զինվորների մասին, այդպիսով ՀԱՄԱՍ-ի դեմ ցամաքային գործողության ընթացքում սպանվածների (իսրայելցի զինվորների-խմբ.) թիվը հասել է 68-ի»,- գրում է հրատարակությունը։