Շիա խմբավորումները գնդակոծել են Իրաքում ամերիկյան ռազմակայանը
Շիա խմբավորումները հայտարարել են Իրաքում ԱՄՆ-ի «Այն ալ Ասադ» ռազմակայանի գնդակոծման մասին։ Տեղեկությունը փոխանցում է ՌԻԱ Նովոստին։
«Իրաքի իսլամական դիմադրությունը», որի մեջ մտնում են շիաների զինված կազմավորումները, հայտարարել է, որ գնդակոծել է Իրաքի արևմուտքում գտնվող Անբար նահանգում գտնվող Այն ալ Ասադ ամերիկյան ռազմակայանը:
Սա արդեն երկրորդ գնդակոծությունն է այդ բազայի վրա մեկ օրից էլ քիչ ժամանակում։
«Իրաքի իսլամական դիմադրության» մարտիկները համապատասխան զենքով գնդակոծել են Իրաքի արևմուտքում գտնվող Այն ալ Ասադ ամերիկյան օկուպացիոն բազան և դիպել են թիրախին», - ասվում է կազմավորման հայտարարության մեջ:
Ավելի վաղ Պենտագոնի մամուլի քարտուղարի տեղակալ Սաբրինա Սինգհը հայտարարել էր, որ Մերձավոր Արևելքում ԱՄՆ Զինված ուժերի անձնակազմն ու բազաները հոկտեմբերի 17-ից ի վեր 55 անգամ գնդակոծության են ենթարկվել, որոնց հետևանքով վիրավորվել է 59 զինվորական:
