Նեթանյահուն՝ պատանդների ազատ արձակման մասին

Իսրայելի վարչապետ Բենյամին Նեթանյահուն հայտարարել է, որ ՀԱՄԱՍ խմբավորման կողմից գերեվարված պատանդների հնարավոր ազատ արձակման շուրջ բանակցություններում առաջընթաց է նկատվում: Այս մասին հայտնում է INTERFAX.RU-ն։

«Մեզ հաջողվել է առաջընթաց գրանցել։ Հուսով եմ, որ շուտով լավ նորություններ կլինեն»,- Նեթանյահուի խոսքերն է մեջբերում «Հաարեց» թերթը։ 

Պարբերականը նաև նշում է, որ պատանդների մասին համաձայնագրի կնքման հնարավորության մասին հաղորդագրությունների ֆոնին Իսրայելի կառավարությունը նիստ կգումարի:

Ավելի վաղ «Հաարեց» -ը՝ վկայակոչելով իրազեկ աղբյուրին, հայտնել էր, որ Քաթարը կհրապարակի պաղեստինյան ՀԱՄԱՍ խմբավորման և Իսրայելի միջև Գազայի հատվածում պատանդների ազատման վերաբերյալ պայմանավորվածությունների մանրամասները: Իր հերթին, Կատարի ԱԳՆ-ում հայտարարել են, որ ՀԱՄԱՍ-ն ու Իսրայելն առավել քան երբևէ մոտ են հրադադարի համաձայնությանը:

The Washington Post թերթն էլ իր հերթին հայտնել է, որ Իսրայելը, ԱՄՆ-ն եւ ՀԱՄԱՍ-ը մոտ են նրան, որ համաձայնագիր կնքեն, որը թույլ կտա ազատ արձակել Գազայում պահվող պատանդների մի մասին՝ ռազմական գործողությունների հնգօրյա դադարի դիմաց: