«Ուկրաինայում իրավիճակը բարդ է». Ստոլտենբերգ
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Ուկրաինայում իրավիճակն ավելի բարդ է, քան սպասվում էր, և անհրաժեշտ է մեծացնել Կիևին տրամադրվող օգնության չափը։
«Մենք պետք է գիտակցենք, որ մարտադաշտում իրավիճակն ավելի բարդ է, քան սպասվում էր, և դա փաստարկ է Ուկրաինային էլ ավելի մեծ օգնություն տրամադրելու օգտին»,- ասել է նա։
ՆԱՏՕ-ի ղեկավարը համոզված է, որ ԱՄՆ-ը կշարունակի օգնություն ցուցաբերել Ուկրաինային։
«Ես ճանապարհորդում եմ ՆԱՏՕ-ի երկրներ և ստանում եմ նույն աջակցության ուղերձը», - հավելել է Ստոլտենբերգը:
