Բաքուն աննպատակահարմար է համարում ԱՄՆ բարձր մակարդակի այցերը․ ադրբեջանի ԱԳՆ

Ադրբեջանի ԱԳՆ-ն արձագանքել է ԱՄՆ պետքարտուղարի՝ Եվրոպայի և Եվրասիայի հարցերով օգնական Ջեյմս Օ՛Բրայանի՝ Ադրբեջանի վերաբերյալ հայտարարություններին։ Տեղեկությունը հայտնում են ադրբեջանական լրատվամիջոցները։

«Ինչ վերաբերում է ԱՄՆ կողմից նախաձեռնած երկկողմ հանդիպումների և բարձր մակարդակի շփումների հետաձգմանն ու այն հայտարարությանը, թե մեր երկկողմ հարաբերությունները նախկինի նման չեն կարող լինել, հարկ է նշել, որ հարաբերությունները չեն կարող լինել միակողմանի։ Այսպիսով, նույն մոտեցումը հավասարապես կկիրառվի Ադրբեջանի կողմից։ Նման իրավիճակում մենք աննպատակահարմար ենք համարում ԱՄՆ բարձր մակարդակի այցերի հնարավորությունը Ադրբեջան»,- նշվում է հայտարարությունում։