ՏԵՍԱՆՅՈՒԹ. Ինչպե՞ս է փորձել Լուկաշենկոն համոզել Փաշինյանին մասնակցել ՀԱՊԿ հանդիպմանը. լրագրողը` Գրիգորյանին
Հայաստանի եւ Ադրբեջանի փոխվարչապետների մակարդակով սահմանազատման, սահմանագծման աշխատանքների գծով հանձնաժողովների ներկայացուցիչները վերջին անգամ հանդիպել են հուլիսի 12-ին: Այս մասին, այսօր՝ նոյեմբերի 15-ին, լրագրողների հետ զրույցում նշել է փոխվարչապետ Մհեր Գրիգորյանը:
Հարցին, թե ինչու են այդ հանդիպումները դադարել, նա արձագանքել է. «Վերջին հանդիպմանը որոշվել է, որ ընթացակարգային հարցեր են քննարկվում, կարծում եմ՝ պետք է նախեւառաջ ձեւաչափը եւ համագործակցության ձեւը պայմանավորվել, ռեգլամենտավորել, որից հետո, կարծում եմ՝ հանդիպումներ կլինեն»:
Հարցին՝ իր կարծիքով, մինչեւ տարեվերջ խաղաղության պայմանագիրը կկնքվի՞, փոխվարչապետը պատասխանել է. «Ես չեմ կարող հիմա նման ժամկետ ասել»:
Ինչ վերաբերում է հարցին, թե ինչպես է փորձել Բելառուսի նախագահ Լուկաշենկոն փորձել համոզել Նիկոլ Փաշինյանին մասնակցել ՀԱՊԿ հանդիպմանը, Մհեր Գրիգորյանն ասել է, որ կոնկրետ խոսակցության մասին հիմա չեն կարող խոսել:
