Ինչ հայտարարություններ են արել եվրոպացի դիվանագետները` ՀՀ-ի և Ադրբեջանի միջև խաղաղ բանակցությունների մասին

Բրյուսելում Գերմանիայի ԱԳ նախարար Անալենա Բերբոքը ասել է, որ ԵՄ-ն պետք է ակտիվացնի համատեղ ջանքերը՝ աջակցելու Հայաստանի և Ադրբեջանի միջև խաղաղ գործընթացին: 

«Եվրոպական հարթակը պաշտպանում է իրական անվտանգությունը, իրական վստահությունը և իրական խաղաղությունը տարածաշրջանում»,-ասել է Բերբոքը:

Ֆրանսիայի Հանրապետության Եվրոպայի և արտաքին գործերի նախարար Կատրին Կոլոննան էլ ասել է. «Կարևոր է, որ  ԵՄ երկրների արտաքին գործերի նախարարների խորհուրդը վերահաստատի իր աջակցությունը Հայաստանի ինքնիշխանությանն ու տարածքային ամբողջականությանը` ամրապնդելով Եվրամիության դիտորդական առաքելության ամրապնդման և Խաղաղության եվրոպական հիմնադրամի միջոցով;Ժամանակն է դա անելու»:

Հիշեցնենք, որ այսօր ԵՄ երկրների արտաքին գործերի նախարարներն Բրյուսելում պետք է քննարկեին  Լեռնային Ղարաբաղի շուրջ ստեղծված իրավիճակը, մասնավորապես Հայաստանի և Ադրբեջանի միջեւ խաղաղ բանակցությունները, ինչպես նաև Եվրամիության աջակցությունը Երևանին: