Պեսկովը մեկնաբանել է Զելենսկու՝ «մինչև տարեվերջ դրական փոփոխություններ»-ի մասին հայտարարությունը

Վլադիմիր Զելենսկին և Կիևի ռեժիմը հուսահատորեն խոստանում են հաջողություններ. նրանց նախորդ խոստումները չեն իրականացել, դոնորներն անհանգստանում են, ուստի Կիևը «բարձրացնում է պերճախոսության աստիճանը»։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը: Տեղեկությունը փոխանցում է ՌԻԱ Նովոստին։

«Զելենսկին և Կիևի ռեժիմը, ըստ էության, հուսահատորեն խոստանում են ռազմական հաջողություններ մարտի դաշտում, խոստանում են իրենց դոնորներին։ Նրանց նախորդ խոստումները չիրականացան։ Դոնորները անհանգստանում են և սկսում են թրթռալ, ըստ այդմ, Զելենսկուն այլ բան չի մնում, քան բարձրացնել իր պերճախոսության աստիճանը՝ նրանց համոզելու համար, որ այդ հաջողությունները կլինեն»,- ասել է Պեսկովը՝ լրագրողների համար մեկնաբանելով Զելենսկու խոսքերը։

Հիշեցնենք՝ Ուկրաինայի նախագահ Վլադիմիր Զելենսկին հայտարարել էր, որ փոխզիջումն անընդունելի Է Ուկրաինայի համար, որը նախկինի պես չի ցանկանում, որ Ռուսաստանը ինչ-որ կերպ միացված լինի հնարավոր կարգավորման քննարկմանը։ Զելենսկին հույս էր հայտնել, որ «մինչև տարեվերջ Ուկրաինայի համար դրական փոփոխություններ կլինեն»։