Պատանդների փոխանակման ինչ տարբերակ են քննարկում Իսրայելն ու «ՀԱՄԱՍ»-ը
Նոյեմբերի 10-ին պայմանավորվածություն է ձեռք բերվել Իսրայելի կողմից կալանավորված 100 պաղեստինցի կանանց ու երեխաների փոխանակել 100 իսրայելցի պատանդների հետ։ Այս հայտնում է «Ալ-Արաբիա» հեռուստաալիքը՝ հղում անելով աղբյուրներին, փոխանցում է meduza-ն։
Հեռուստաալիքի դիվանագիտական աղբյուրները նշել են, որ վերջին շաբաթների ընթացքում բանակցությունների արդյունքում փոխանակման մի քանի առաջարկներ են ի հայտ եկել, որոնցում Կատարը որպես միջնորդ առանցքային դեր է խաղացել: Այսպիսով, տարբերակներից մեկը վերաբերում էր 10-15 պատանդների ազատ արձակմանը մեկ կամ երկօրյա հրադադարի դիմաց։
Նշվում է, որ Իսրայելի վարչապետ Բենիամին Նեթանյահուի գրասենյակը պնդում է, որ հրադադար չի լինի այնքան ժամանակ, քանի դեռ «ՀԱՄԱՍ»-ը չի ազատել պատանդներին։
Իսրայելական կողմը պաշտոնապես չի հայտարարել ձեռք բերված պայմանավորվածության մասին։
