Բլինքենը մեծ սխալ է թույլ տվել․ Էրդողան

ԱՄՆ պետքարտուղար Էնթոնի Բլինքենը  «մեծ սխալ է թույլ տվել»՝ Թել Ավիվ ժամանելուն պես պատմելով իր հրեական ծագման մասին, հայտարարել է Թուրքիայի նախագահ Ռեջեփ Թայիփ Էրդողանը: Տեղեկությունը փոխանցում է ՌԻԱ Նովոստին։

«Բլինքենը ամենամեծ սխալը թույլ տվեց հենց սկզբում։  «Ես եկել եմ այստեղ (Թել Ավիվ), լինելով հրեա»․ ի պատասխան՝ դուք 1,5 միլիոն մարդ եք ստանում Ստամբուլի հանրահավաքի ժամանակ»,- ասել է պետության ղեկավարը։

Պատասխանելով լրագրողների այն հարցին, թե ինչու չկայացավ Բլինքենի հետ իր հանդիպումը՝ Էրդողանը նշել է, որ ամերիկացի գործընկերոջը, դիվանագիտական արձանագրությունների համաձայն, ընդունել է Թուրքիայի արտգործնախարարը: Բլինքենի այցի օրը նախագահը գտնվում էր Ռիզե նահանգում։

Էրդողանը նաև հիշեցրել է Գազայում ՑԱԽԱԼ-ի գործողության դեմ բողոքի ակցիաների մասին, որոնք տեղի են ունեցել աշխարհի շատ քաղաքներում: Նրա խոսքով՝ Իսրայելն այժմ դարձել է «անխոհեմության կենտրոն»։  Բացի այդ, Թուրքիայի նախագահը կարծում է,  որ «ամբողջ աշխարհը բողոքում է ԱՄՆ-ից»։

«Ինչու՞։ Քանի որ ԱՄՆ-ն թիրախ դարձավ այն բանից հետո, երբ սկսեց աջակցել Գազայի հատվածում Իսրայելի կողմից կազմակերպված սպանդին։ Ստամբուլում (ի պաշտպանություն Պաղեստինի) 1,5 միլիոն մարդ է հավաքվել ընդամենը երեք օրվա ընթացքում, դա ինչ-որ բանի մասին է խոսում։ Լսեք մեր ձայնը, դիմեք աշխարհին մեր ձայնով»,- հավելել է քաղաքական գործիչը:

Ավելի վաղ Էրդողանը հայտարարել էր, որ Անկարան համապատասխան աշխատանք է տանում Իսրայելին «ռազմական հանցագործ» հայտարարելու համար, Թուրքիան Իսրայելի վարչապետ Բենյամին Նեթանյահուին այլևս զրուցակից չի համարում, սակայն երկրի հետախուզության ղեկավարը կապեր է պահպանում Իսրայելի հետ: