100 մետրից 70-ն արդեն վազել ենք․ Զելենսկու գրասենյակի ղեկավար

Վլադիմիր Զելենսկու գրասենյակի ղեկավար Անդրեյ Երմակը Ուկրաինայի հակամարտությունը համեմատել է 100 մետր վազքի հետ, որտեղ Կիևն արդեն վազել է 70 մետր, և մնացել են ամենադժվարը: Տեղեկությունը փոխանցում է ՌԻԱ Նովոստին։

«Եթե համեմատենք 100 մետր վազքի հետ, ապա ես կարծում եմ, որ 70 մետր մենք արդեն վազել ենք։ Բայց այդ վերջին 30-ն ամենածանրն են», - հայտարարել է Երմակը ուկրաինացի լրագրող Նատալյա Մոսեյչուկին տված հարցազրույցում, որի դեմ ՌԴ-ում ավելի վաղ քրեական գործ էր հարուցվել «ատելության կամ թշնամանքի հարուցում» հոդվածով։

Միևնույն ժամանակ, Երմակը խոստովանեց, որ ոչ ոք հստակ չգիտի, թե երբ կավարտվի հակամարտությունը, և որ առճակատումը կարող է շատ հանկարծակի ավարտվել: