Սպասվում են ուղիղ չվերթներ Հայաստանի և Հնդկաստանի միջև․ փոխարտգործնախարար
Սպասվում են ուղիղ չվերթներ Հայաստանի և Հնդկաստանի միջև։ Այս մասին The Economic Times-ին տված հարցազրույցում հայտնել է ՀՀ փոխարտգործնախարար Մնացական Սաֆարյանը։
Նրա խոսքով՝ ուղիղ չվերթերը կարող են մեկնարկել 2024 թվականին։
«Մենք նաև բանակցություններ ենք վարում Հնդկաստանի և Հայաստանի միջև ուղիղ չվերթերի մեկնարկի վերաբերյալ, և հուսով եմ, որ թռիչքները կարող են մեկնարկել հաջորդ տարի»,-ասել է Սաֆարյանը:
Սաֆարյանը հայտնել է, որ Հայաստանը ձգտում է մուտք գործել նաև ասիական այլ երկրներ։
