Ադրբեջանցի փաստաբանը խնդրել է արդարացնել Վագիֆ Խաչատրյանին
Բաքվի ռազմական դատարանում կայացած դատական նիստին ելույթ է ունեցել Խաչատրյանի փաստաբանը, որն իր ելույթում խնդրել է արդարացնել Վագիֆ Խաչատրյանին։ Այս մասին հայտնում են ադրբեջանական լրատվամիջոցները։
Այնուհետև Խաչատրյանին տրվել է վերջին խոսքի հնարավորություն։ Նա իրեն մեղավոր չի ճանաչել և դատարանին խնդրել է արդարացնել իրեն:
Դատավորները հեռացել են խորհրդակցության՝ դատավճիռը հրապարակելու համար։
Հիշեցնենք՝ ավելի վաղ Ադրբեջանի դատախազությունը պահանջել էր Վագիֆ Խաչատրյանին դատապարտել 15 տարվա ազատազրկման։
