ԱՄՆ-ի և Իսրայելի հետախուզական ծառայությունների ղեկավարներն այս պահին հանդիպում են անցկացնում

Կենտրոնական Հետախոզական Վարչության (ЦРУ) տնօրեն Ուիլյամ Բըրնսը, Իսրայելի Արտաքին հետախուզության «Մոսադ» ծառայության ղեկավար Դավիթ Բարնեան եւ Կատարի պաշտոնատար անձինք քննարկում են Գազայում ռազմական գործողությունների եռօրյա հումանիտար դադարի հնարավորությունը՝ պաղեստինյան ՀԱՄԱՍ շարժման կողմից պահվող պատանդներին ազատելու համար, հաղորդում է Financial Times թերթը՝ վկայակոչելով իրազեկ աղբյուրին: Տեղեկությունը փոխանցում է ՌԻԱ Նովոստին։

«ԱՄՆ-ի և Իսրայելի հետախուզական ծառայությունների ղեկավարներն այսօր գտնվում էին Քաթարում և աշխատում էին հնարավոր հումանիտար դադարի ծրագրերի վրա, որը թույլ կտար ազատել մինչև 20 պատանդների, ինչպես նաև ավելի շատ մարդասիրական օգնություն հասցնել Գազայի արգելափակված հատված»,- հայտնում է հրատարակությունը:

Պարբերականի տվյալներով՝ Բըրնսի, Բարնեայի եւ կատարցի պաշտոնյաների մասնակցությամբ բանակցությունները կենտրոնացած են Իսրայելի գործողություններում եռօրյա հումանիտար դադարի վրա՝ 10-20 քաղաքացիական պատանդների ազատ արձակման համար:

Հաղորդվում է, որ ռազմական գործողություններում քննարկվող դադարը ցանկանում են օգտագործել նաև ՀԱՄԱՍ-ի կողմից պահվող պատանդների ամբողջական ցուցակը ստանալու համար:

Պարբերականի աղբյուրները նշում են, որ վերջին օրերին Քաթարում ՀԱՄԱՍ-ի պատանդներին ազատ արձակելու շուրջ բանակցությունները հաջող են ընթանում, դրանք այլ քննարկումներից ավելի հեռու են գնացել: