ՏԵՍԱՆՅՈՒԹ․ ՌԴ-ն կարող է Ադրբեջանի հետ ՀՀ սուվերեն տարածքի վրա ագրեսիա իրականացնել․ Աղազարյան
Մոսկվան կարող է Ադրբեջանի հետ միասին զորքեր տեղադրել և ՀՀ սուվերեն տարածքի վրա ագրեսիա իրականացնել։ Այս մասին ԱԺ ՔՊ խմբակցության պատգամավոր Հովիկ Աղազարյանը ասել է NEWS.am-ի հետ զրույցում։
«Երբ Ադրբեջանն զգա, որ իր ռազմական պոտենցիալը և քաղաքական բաղկացուցիչ մասը միասին էապես գերակշռում է Հայաստանի ռազմական ու քաղաքական ներուժին, այդ ժամանակ ինքը ռազմական գործողությունների կդիմի: Հիմա այդպես չէ: Ճիշտ է իրենց ռազմական պոտենցիալը շատ մեծ է մերից, բայց մեր քաղաքական բաղկացուցիչը շատ մեծ է իրենցից: Հետևաբար, հավասարակշռությունը կա»,- լրատվամիջոցի հետ զրույցում ասել է նա:
Պատասխանելով հարցին, թե որտե՞ղ է երևում ՀՀ-ի քաղաքական բաղադրիչի մեծ լինելը, Հովիկ Աղազարյանը պատասխանել է. «Այսօր Ադրբեջանը, Թուրքիան, ինչ-որ տեղ նաև Ռուսաստանը անթաքույց սպառնում են Հայաստանի միջազգայնորեն ճանաչված սահմանների անձեռնմխելիությանը: Այս վիճակը գերտերությունների և ընդհանրապես քաղաքակրթությունների համար անընդունելի է: Ռուսաստանը կարող է Ադրբեջանի հետ միասին զորքեր տեղադրել ու Հայաստանի սուվերեն տարածքում ագրեսիա իրականացնեն: Ես դա չեմ բացառում, բայց դա այդքան էլ հեշտ չէ»։
Մանրամասերը՝ տեսանյութում։
