Պեսկովը՝ միջուկային զենքի օգտագործման մասին
Ռուսաստանի նախագահի մամուլի քարտուղար Դմիտրի Պեսկովը մեկնաբանել է Անվտանգության խորհրդի քարտուղար Նիկոլայ Պատրուշևի խոսքերն այն մասին, որ Արևմուտքի ապակառուցողական քաղաքականությունը մեծացնում է միջուկային, քիմիական և կենսաբանական զենքի կիրառման ռիսկը: Տեղեկությունը փոխանցում է gazeta.ru-ն։
Պեսկովը նշել է, որ Անվտանգության խորհուրդը Կրեմլի մի մասն է, ուստի Պատրուշևի խոսքերը կարելի է համարել իշխանությունների հայտարարություն:
«Հավաքական Արևմուտքի բավական ագրեսիվ բնույթը Ռուսաստանի նկատմամբ ոչ մեկի համար գաղտնիք չէ։ Դա հաստատվում է Արևմուտքի հայտարարություններով։ Մենք ունենք դոկտրին, որտեղ ամեն ինչ հստակ գրված է, այնտեղ փոփոխություններ չկան։ Այստեղ ամեն ինչ շատ պարզ է»,- եզրափակել Է Պեսկովը։
Մինչ այդ Պատրուշևն ասել էր, որ Ռուսաստանը միջուկային հրթիռային զենքի գոյության ողջ ընթացքում առաջին անգամ առաջ է անցել միջուկային զենքի ոլորտում մրցակիցներից: Նրա խոսքով՝ Ռուսաստանի ազգային անվտանգության ռազմավարության իրականացումը նպաստել է հասարակության մեջ ներքին կայունության պահպանմանը: Պատրուշեւը նաեւ նշել է, որ հաջողվել է մեծացնել երկրի տնտեսական, քաղաքական եւ ռազմական ներուժը։
