Թուրքիան թույլ չի տա Գազայի հատվածը մաքրել պաղեստինցիներից
Թուրքիային Պաղեստինի հարցում երաշխավոր երկիր դարձնելու ջանքերը շարունակվում են։ Այս մասին մամուլի ասուլիսի ժամանակ ասել է իշխող «Արդարություն և զարգացում» կուսակցության մամուլի քարտուղար Օմեր Չելիքը։
Նա նշել է, որ «աշխարհը պետք է դադարեցնի Իսրայելի գործողությունը Գազայի հատվածում»։
Օմեր Չելիքը նաեւ ընդգծել է, որ Թուրքիան թույլ չի տա Գազայի հատվածը մաքրել պաղեստինցիներից։
«Մեր հաշվարկներով՝ ամեն օր Գազա պետք է մուտք գործի մարդասիրական օգնություն տեղափոխող առնվազն 500 մեքենա, սակայն 32 օրվա ընթացքում Գազա է մուտք գործել ընդամենը 450 բեռնատար»,- հավելել է նա։
