ՏԵՍԱՆՅՈՒԹ. «Երեք հոգի մանդատը վայր դրեցին, որպեսզի աջակցեն ընկերոջը՝ Լևոն Քոչարյանին». Նազարյան
«Ես չեմ կարծում, որ գլխավոր դատախազն այքան կանլրջանա, որ մտնի Ազգային ժողով ու փորձի Լևոն Քոչարյանին պատգամավորական մանդատից զրկել։ Եթե դա լինի, կնշանակի, որ դատախազը ուղղակի խաղում է իր իսկ հեղինակության հետ։ Այս հորինված գործը շարունակելու համար, կարծում եմ, դա չի լինի»։
Այս մասին Ազգային ժողովում լրագրողների հետ զրույցում ասաց «Հայաստան» խմբակցության պատգամավոր Գեղամ Նազարյանը։
Շրջանառվոցղ այն պնդմանը, թե պատգամավորական մանդատը վերցնում են կալանքից ազատվելու համար, Նազարյանը պատասխանեց՝ խորհրդարանում իշխող ուժը մեծամասնություն է, և կարող է ցանկացած պահի թույլ տալ, որ մարդուն կալանավորեն․ «Չեմ կարծում, որ սա կալանքից ազատվելու փորձ կամ միջոց է»,-ասաց նա։
Պատգամավորը շեշտեց, որ երեք հոգի մանդատը վայր են դրել, որպեսզի աջակցեն ընկերոջը՝ Լևոն Քոչարյանին։
