Ինչու է Զելենսկին չեղարկում ընտրությունները

Դոնեցկի Ժողովրդական Հանրապետության ղեկավարի խորհրդական Յան Գագինը Վլադիմիր Զելենսկու՝ նախագահական ընտրությունների չեղարկումը բացատրել է իր անվտանգության համար վախերով. հենց նա կորցնի իր պաշտոնը, նրա մոտ կգա դատախազությունը, ընդ որում ՝ ոչ թե մեկ երկրի, այլ մի քանի երկրների դատախազություն։ Տեղեկությունը հաղորդում է ՌԻԱ Նովոստին։

«Զելենսկու համար դա կյանքի և մահվան խնդիր է։ Հենց այդպես: Քանի որ հենց Զելենսկին դադարի նախագահ լինել, դատախազությունն անմիջապես կգա նրա մոտ։ Նախ՝ իրենց երկրում ուկրաինացիների ցեղասպանության և մեր երկրում ռուսների ցեղասպանության համար»,- ՌԻԱ Նովոստիին ասել է Գագինը։  

Նրա կարծիքով՝ պահանջներ կառաջանան նաև ամերիկյան արդարադատության կողմից։

«Նրա մոտ կգա Միացյալ Նահանգների դատախազությունը և կհարցնի՝ որտեղ են փողերը, որդիս, որոնք մենք քեզ ուղարկել ենք պատերազմի և քո երկրին ու ժողովրդին սատարելու համար»,- մանրամասնել է Դոնեցկի ղեկավարի խորհրդականը։  

Գագինի խոսքով՝ Իսրայելից Զելենսկու մոտ ևս կգան։

«Իսրայելից դատախազությունը, որի տանկերն այժմ այրվում են Javelin-ից և NLAW-ից, որոնք մատակարարվել են ուկրաինացի զինվորականների և Ուկրաինական կաբինետի կողմից ահաբեկիչներին և ավազակներին ամբողջ աշխարհում, կգնան Զելենսկու մոտ»,- հավելել է նա: 

Հիշեցնենք՝ ավելի վաղ Ուկրաինայի նախագահ Զելենսկին հայտնել էր, որ մտադիր է չեղարկել ընտրությունները, քանի որ հիմա ընտրությունների ժամանակը չէ։